Գերմանիայի նախկին առաջին տիկինը զրկվել է վարորդական իրավունքից՝ ալկոհոլի ազդեցության տակ ծառի բախվելու համար

13:55 • 23.11.18

Գերմանիայի նախկին նախագահ Քրիստիան Վուլֆի կինը՝ Բետինան, զրկվել է վարորդական իրավունքից՝ ալկոհոլի ազդեցության տակ մեքենա վարելու համար, գրում է life.ru-ն:

Նշվում է, որ նախկին առաջին տիկինը սեպտեմբերին Ներքին Սաքսոնիայի Բուրգվեդել քաղաքում մեքենայով բախվել է ծառի:

Դեպքի վայր ժամանած իրավապահների մոտ կասկածներ են առաջացել նրա սթափության հետ կապված: Արյան մեջ ալկոհոլի պարունակության թեստն ապացուցել է, որ Բետինան իսկապես ալկոհոլ է օգտագործել:

Նախկին առաջին տիկինը 11 ամսով զրկվել է վարորդական իրավունքից, բացի այդ՝ նա ստիպված կլինի խոշոր դրամական տուգանք վճարել:


Քրիստիան Վուլֆը Գերմանիայի դաշնային նախագահն է եղել 2010-2012 թվականներին: