Մեքսիկայում մարդասիրական աղետ է հայտարարվել ներգաղթյալների «քարավանի» պատճառով (լուսանկարներ)

13:03 • 25.11.18

Միացյալ Նահանգների հետ սահմանակից մեքսիկական Տիխուանայի քաղաքապետ Խուան Մանուել Գաստելումը մարդասիրական աղետ է հայտարարել քաղաքում՝ Միացյալ ազգերի կազմակերպությունից օգնություն խնդրելով քաղաք ժամանած հազարավոր ներգաղթյալների հարցը լուծելու համար:

Ինչպես նշում է The Guardian-ը, քաղաքապետը մանրամասնել է, որ ներկայում Տիխուանա է ժամանել Հարավային Ամերիկայից դեպի ԱՄՆ սահման շարժվող ներգաղթյալների՝ 4.976 անդամ ունեցող «քարավանը»:

Հայտնի է, որ ներգաղթյալներին ժամանակավորապես տեղավորել են մարզային համալիրներում: Կանայք, տղամարդիկ ու երեխաները Տիխուանա են հասել ավելի քան մեկ ամիս ճանապարհների վրա անցկացնելուց հետո:

 

Image result for migrant caravan tijuana

 

Միացյալ Նահանգների նախագահ Դոնալդ Թրամփը հայտարարել է, որ չի պատրաստվում ապաստան տրամադրել նմանատիպ «քարավանների» անդամներին՝ նշելով, որ նրանց մեջ շատ են հանցագործները, հանցախմբերի անդամներն ու ահաբեկիչները:

 

Image result for migrant caravan tijuana

 

Տիխուանայի իշխանությունների փոխանցմամբ՝ դաշնային կառավարությունն անտեսում է հարցի հետ կապված բոլոր խնդրանքները, ուստի՝ իրենք ստիպված են դիմել ՄԱԿ-ին:

 

Image result for migrant caravan tijuana

 

Հավելենք, որ հոկտեմբերից սկսած Հարավային Ամերիկայի մի շարք պետություններից՝ Հոնդուրասից, Էլ Սալվադորից ու Գվատեմալայից, հազարավոր ներգաղթյալների «քարավաններ» սկսել են շարժվել դեպի Միացյալ Նահանգների սահման: Նրանց ճանապարհն անցնում է ԱՄՆ-ին սահմանակից Մեքսիկայով, որի իշխանությունները անտեսել են Թրամփի՝ ներգաղթյալների ընթացքը խոչընդոտելու պահանջները:

 

Image result for migrant caravan tijuana