Աբովյան քաղաքում ավտոտնակի տանիք է այրվել. տուժածներ չկան

04:54 • 26.11.18

Նոյեմբերի 25-ին, ժամը 19:18-ին «911» ծառայությանը տեղեկություն է հաղորդվել, որ Կոտայքի մարզի Աբովյան քաղաքի Էլարի 8-րդ փողոցի տներից մեկի մոտակայքում այրվում է ավտոտնակի տանիք:

Ինչպես տեղեկացնում են Արտակարգ իրավիճակների նախարարությունից, դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 19:52-ին, մարվել՝ 20:15-ին: Այրվել են խորդանոցի տանիքի (մոտ 40 քմ) փայտե կառուցատարրերը` մոտ 10 քմ:

Հրդեհի հետևանքով տուժածներ չկան: