Կրեմլը չի մեկնաբանել Վրաստանի նախագահական ընտրությունների արդյունքները՝ նախընտրելով սպասել

14:59 • 29.11.18

Կրեմլն ուշադրության է առել Վրաստանի նախագահական ընտրություններում Սալոմե Զուրաբիշվիլիի հաղթանակի մասին տեղեկատվությունը, սակայն չի մեկնաբանում այդ հարցը, մինչև պարզ չդառնա Ռուսաստանի Դաշնության հետ երկկողմ հարաբերությունների հարցում Թբիլիսիի դիրքորոշումը: Այս մասին հաղորդում է ՏԱՍՍ գործակալությունը՝ ՌԴ նախագահի մամուլի քարտուղար Դմիտրի Պեսկովի հայտարարությանը հղումով:


«Մենք, բնականաբար, հետևել ենք Վրաստանից եկող տեղեկատվական հաղորդումներին և ուշադրության առել Զուրաբիշվիլիի հաղթանակի մասին լուրը», - ասել է Կրեմլի ներկայացուցիչը՝ պատասխանելով լրագրողների հարցին, թե արդյոք Զուրաբիշվիլիի հաղթանակը Մոսկվայում հավանության է արժանացել:


Պեսկովը նշել է, որ իրենք նախընտրում են սպասել վրացական կողմից ռուս-վրացական հարաբերությունների զարգացման հեռանկարների վերաբերյալ հնարավոր գնահատականների, հայտարարությունների: