Հյուսիսկորեացի զինծառայողը փախել է Հարավային Կորեա

11:48 • 01.12.18

Կորեայի Ժողովրդադեմոկրատական Հանրապետության (ԿԺԴՀ) բանակի զինծառայողը հատել է սահմանը՝ հայտնվելով Հարավային Կորեայի տարածքում, հաղորդում է CTV News հեռուստաալիքը:


Սահմանը հատած զինծառայողին հայտնաբերել են տեսահսկման սարքերի միջոցով: Դասալիքը կալանքի տակ է, նրան վտանգ չի սպառնում:


Հարավային Կորեայի շտաբերի պետերի կոմիտեից տեղեկացրել են, որ փախուստի մանրամասները կքննվեն, նաև հաղորդվել է, որ Հյուսիսային Կորեան առայժմ ոչինչ չի ձեռնարկել:


Նշենք, որ սա Հյուսիսային և Հարավային Կորեաների սահմանին պահակախմբերի հետ քաշվելուց հետո փախուստի առաջին դեպքն է:


Սահմանի ականազերծման համաձայնագիրը կնքվել էր միջկորեական գագաթնաժողովի ժամանակ, որը տեղի է ունեցել սեպտեմբերի 18-ից 20-ը՝ Փհենյանում: Համաձայնագրով որոշվել էր նաև միացնել երկու պետությունների երկաթուղային ցանցը: