Ըստ Time ամսագրի` «Տարվա մարդ» են ճանաչվել սպանված լրագրող Ջամալ Խաշոգջին և այլ լրագրողներ

18:14 • 11.12.18

Ամերիկյան Time ամսագրի խմբագրությունը «Տարվա մարդ» տիտղոսը շնորհել է մի խումբ լրագրողների, այդ թվում և Ստամբուլում Սաուդյան Արաբիայի հյուպատոսություն կատարած այցի ժամանակ սպանված Ջամալ Խաշոգջիին, որը The Washington Post-ի թղթակիցն էր:

Ինչպես հաղորդում է NBC հեռուստաալիքը, ամսագրի այդ տիտղոսին արժանացել է նաև Capital Gazette ամերիկյան թերթը, որի խմբագրությունում հունիսին հրաձգություն էր տեղի ունեցել: Խաշոգջիի հետ միասին «Տարվա մարդ» են ճանաչվել ֆիլիպինուհի լրագրող Մարիա Ռեսան, ով հայտնի է երկրի նախագահ Ռոդրիգո Դուտերտեի մասին քննադատական հոդվածներիվ, և Reuters գործակալության՝ Մյանմայում ազատազրկման դատապարտված աշխատակիցներ Վա Լոնը և Կյա Սոե Օոն:

Ամսագրի ներկայացուցիչները նշել են, որ «Տարվա մարդ» տիտղոսին արժանանալուն մոտ էին ՌԴ նախագահ Վլադիմիր Պուտինը, ԱՄՆ նախագահ Դոնալդ Թրամփը և հատուկ դատախազ Ռոբերտ Մյուլլերը, որը զբաղվում է ԱՄՆ ընտրություններին ՌԴ ենթադրյալ միջամտության մասին գործով:  

Ջամալ Խաշոգջի

 

Մարիա Մեսա

 

Վա Լոն և Կյա Սոե Օո

 

Capital Gazette