Անկարայում արագընթաց գնացքը դուրս է եկել ռելսերից. կան բազմաթիվ վիրավորներ (լուսանկարներ)

09:17 • 13.12.18

Դեկտեմբերի 13-ի առավոտյան Անկարայից դեպի Կոնիա ուղևորվող արագընթաց գնացքը դուրս է եկել ռելսերից:

Ինչպես հայտնում է ria.ru-ն, թուրքական լրատվամիջոցներին հղումով, ըստ նախնական տվյալների՝ գնացքը բախվել է ուղանցին, ինչի հետևանքով երկու վագոն կողաշրջվել է:

Աղբյուրը հաղորդում է միջադեպի հետևանքով բազմաթիվ տուժածների մասին, սակայն նրանց ստույգ թիվը հայտնի չէ:

Այժմ դեպքի վայր են ժամանել շտապօգնությունն ու փրկարարները: