ՌԴ Պետդուման քաղաքացիության տրամադրման կարգի պարզեցման մասին օրենք է ընդունել

14:37 • 18.12.18

Ռուսաստանի Դաշնության Պետդուման երրորդ՝ վերջին ընթերցմամբ ընդունել է ՌԴ քաղաքացիության շնորհման ընթացակարգի պարզեցման մասին օրինագիծը, գրում է ՏԱՍՍ գործակալությունը:

Ինչպես նշվում է խորհրդրարանի ստորին պալատի կայքում, բոլոր խմբակցություններն աջակցել են քաղաքացիության մասին օրենքում փոփոխություններ մտցնելու առաջարկին:

Օրենքը նախագահին հնարավորություն է տալիս որոշելու, թե որ օտարերկրացիները պարզեցված կարգով ՌԴ քաղաքացիություն ստանալու իրավունք ունեն:

Միաժամանակ պարզեցվում է հայրենադարձներին քաղաքացիություն շնորհելու կարգը: Նրանք կկարողանան դիմում ներկայացնել ոչ թե գրանցման, այլ գտնվելու վայրից:

Հոկտեմբերի վերջին Պետդուման առաջին ընթերցմամբ ընդունել էր օրենքի նախագիծը: