«Մոտ ժամանակներս մենք քննարկում կունենանք պարոն Փաշինյանի հետ». Պուտին

16:02 • 20.12.18

ՌԴ նախագահ Վլադիմիր Պուտինն իր ամենամյա մեծ մամուլի ասուլիսի ժամանակ հայտնել է, որ մյուս շաբաթ հանդիպում կունենա Հայաստանի վարչապետի պաշտոնակատար Նիկոլ Փաշինյանի հետ:

«Մոտ ժամանակներս մենք քննարկում կունենանք պարոն Փաշինյանի հետ, որը մյուս շաբաթ պատրաստվում է ժամանել (Ռուսաստան)», - ասել է Պուտինը՝ խոսելով Հայաստանի ու նրա նոր իշխանությունների հետ հարաբերությունների մասին:

Ինչպես ավելի վաղ հայտնել էր Tert.am-ը, մամուլի ասուլիսի ժամանակ ՌԴ առաջնորդը հավաստիացրել է, որ հայ-ռուսական հարաբերություններում որևէ «փլուզում» տեղի չի ունեցել, Հայաստանը եղել և շարունակում է մնալ Ռուսաստանի ամենամտերիմ դաշնակիցն ու գործընկերն Անդրկովկասում: