Եվրախորհրդի նախագահը երգել է և խոստացել այլևս չերգել (տեսանյութ)

13:44 • 21.12.18

Եվրախորհրդի նախագահ Դոնալդ Տուսկը թվիթերյան իր միկրոբլոգում տեսաուղերձ է հրապարակել, որում շնորհավորել է եվրոպացիներին գալիք Սուրբ Ծննդի և Ամանորի տոների առթիվ և լեհերեն սուրբծննդյան երգ երգել:

Տեսանյութի սկզբում 1996թ.-ին նկարահանված տեսաձայնագրություն է, որում երիտասարդ Տուսկը լեհական հեռուստաշոուի շրջանակում սուրբծննդյան ավանդական երգ է երգում:


Տեսաուղերձի երկրորդ մասում արդեն 61-ամյա Տուսկն է՝ սուրբծննդյան տոնածառի ֆոնին: Նա նույն ոգևորությամբ երգում է միևնույն երգը, ապա հեգնական տոնով ասում. «Դե լավ, խոստանում եմ այլևս չերգել»: