Էլեկտրաէներգիայի սակագների վերանայման հետևանքով առաջացել է դրական արդյունք. Արտակ Մանուկյան

09:50 • 08.01.19

Փաստացիորեն 2019թ. փետրվարի 1-ից սոցիալապես անապահով ընտանիքները Էլեկտրաէներգիայի համար ցերեկային ժամերին 40 դրամ կվտ/ժ-ի փոխարեն կվճարեն 30 դրամ: Այս մասին ֆեյսբուքյան իր էջում գրառում է կատարել տնտեսագետ Արտակ Մանուկյանը:

«Էլեկտրաէներգիայի սակագների վերանայման հետևանքով առաջացել է դրական արդյունք, որի համատեքստում 2019թ փետրվարի 1-ից կամ պետք է էլեկտրաէներգիայի սակագինը նվազեր
ա) բոլոր սպառողների համար (0.37 դրամով) 
բ) կամ միայն սոցիալապես անապահով ընտանիքների համար (10 դրամով)։

Ընտրվել է երկրորդ տարբերակը, որը, իմ կարծիքով, կրկին հատվածական, այլ ոչ թե ռազմավարական մոտեցում է․․․

Հ․Գ․ Ամեն դեպքում փաստացիորեն 2019թ. փետրվարի 1-ից սոցիալապես անապահով ընտանիքները ցերեկային 40 դրամ կվտ/ժ-ի փոխարեն կվճարեն 30 դրամ/կվտժ, իսկ գիշերային 30 դրամ/կվտժ-ի փոխարեն 20 դրամ կվտ/ժ»,-գրել է տնտեսագետը: