Եղանակն՝ այսօր
Բավարիայում հնագետները 6500 տարվա կմախք են հայտնաբերել (լուսանկարներ)
Գերմանիայի Բավարիա երկրամասում հնագետները 6500 տարի առաջ ապրած երիտասարդի՝ լավ պահպանված կմախք են հայտնաբերել, գրում է Welt պարբերականը:
Ֆրեդ անվանված կմախքի մոտ հայտնաբերվել են քարե կացին և հացահատիկի սերմեր: Հնագետ Սքոթ Տակերի խոսքով՝ այդ դարաշրջանի գտածոները շատ հազվադեպ են: Այն, որ Ֆրեդն այդքան լավ է պահպանվել, բացատրվում է հողի մեջ կալցիումի օքսիդի բարձր պարունակությամբ:
Ինչպես նշում է պարբերականը, պեղումներն իրականացվել են տվյալ տարածքում գինեգործական ընկերության օբյեկտների կառուցման ծրագրի առնչությամբ:
Պեղումների արդյունքում հայտնաբերվել են նաև կավե ափսեներ, ուտելիքի մնացորդներ և այլն: Հայտնաբերվել է նաև 4500 տարի առաջ ապրած տղայի կմախք:
Հատկանշական է այն, որ Բավարիան միակ դաշնային երկրամասն է, որտեղ գտնված հնագիտական իրերն ու գտածոները պատկանում են ոչ թե պետությանը, այլև տվյալ հողատիրոջը: Ֆրեդի պահպանումը, սակայն, կարող է շատ թանկ արժենալ, և հնարավոր է՝ գինեգործները կմախքը թանգարանին հանձնեն:
Studio One