Եղանակն՝ այսօր
Հայտնի է՝ ինչ դիզայն է ունենալու Samsung-ի հաջորդ ծալվող հեռախոսը (լուսանկար)
15:06 • 11.03.19
Հարավկորեական Samsung տեխնոլոգիական ընկերությունը պատրաստվում է ներկայացնել ծալվող սմարթֆոնի նոր մոդել, որի գծագիրը հայտնվել է համացանցում:
Ինչպես նշում է korrespondent.net-ը, դատելով գծագրից՝ հեռախոսն ունենալու է դիզայներական և տեխնոլոգիական առանձնահատկություն, որի շնորհիվ կծալվի էկրանով դեպի դուրս:
Նշվում է, որ գծագիրը վերցվել է հատուկ այս տեխնոլոգիայի կիրառման համար ընկերության ձեռք բերած արտոնագրից:
Ինչպես ավելի վաղ հայտնել էր tert.am-ը, Samsung-ը մտադիր է ծալվող սմարթֆոնի ևս երկու մոդել ներկայացնել: Հայտնի է, որ դրանք վերջերս ներկայացված Galaxy Fold ծալվող հեռախոսից զգալի տարբերվող դիզայն կունենան:
Հեռախոսներից առաջինը կներկայացվի 2019-2020թ.:
Ինչ վերաբերում է Galaxy Fold-ին, ապա այն վաճառքում կհայտնվի ապրիլից:
Placeholder
Studio One