ՆԱՍԱ-ն Լուսնի վրա կայան ստեղծելու մասին պայմանագիր է ստորագրել (տեսանյութ)

ԱՄՆ-ի Օդագնացության և տիեզերական տարածության հետազոտությունների ազգային գործակալությունը (ՆԱՍԱ) պաշտոնապես սկսել է լուսնային կայանի կառուցման ծրագրի իրականցումը: Այս մասին տեսաժողովի ժամանակ հայտնել է գործակալության ղեկավար Ջիմ Բրայդենշտայնը:

ՆԱՍԱ-ն լուսնային կայանի առաջին մոդուլի՝ LOP-G-ի կառուցման վերաբերյալ  պայմանագիր է կնքել Maxar ընկերության հետ: Ակնկալվում է, որ այն Լուսնի ուղեծիր դուրս կբերվի 2022թ.-ին:

Բրայդենշտայնը նշել է, որ PPE ուժային և շարժչային մոդուլը սկիզբ կդնի Gateway լուսնային կայանին: Բացի այդ, դրա ստեղծումը ՆԱՍԱ-ի ու մասնավոր ընկերությունների արդյունավետ համագործակցության վառ ապացույց կլինի:

Հայտնի է, որ նույն ծրագրի շրջանակներում նախատեսվում է 2024թ.-ին Լուսնի մակերևույթ ուղարկել առաջին կին տիեզերագնացին: