Ամերիկացի երգիչ Դևիդ Օլնին մահացել է բեմի վրա` համերգի ժամանակ

Ամերիկացի երգիչ և կոմպոզիտոր Դևիդ Օլնին մահացել է բեմի վրա` հենց ելույթի ժամանակ, հայտնում է nme.com կայքը: 

Ֆլորիդայի Սանտա Ռոսա Բիչ քաղաքում մեկնարկած համերգի ժամանակ 71-ամյա երգիչը, ամենայն հավանականությամբ, սրտի կաթված է ստացել: Վերակենդանացման գործողություններին մասնագիտությամբ բժիշկ հանդիսատեսն է մասնակցել, որը, սակայն, ոչնչով չի կարողացել օգնել արտիստին:

Էմի Ռիգբին, որը նույն բեմում հանդես է եկել Օլնիի հետ, Facebook սոցիալական ցանցի իր էջում գրել է. «Մահացել է հիանալի մարդը, լեգենդը, պոետն ու կոմպոզիտորը: Երրորդ երգի կեսին նա դադար է առել, ներողություն խնդրել ու փակել աչքերը...Նա նստել էր անշարժ, ուղիղ մեջքով, իր ամենազիլ գլխարկով…կիթառով: Սկզբում բոլորին թվացել է, թե նա պարզապես ընդմիջում է վերցրել»:

Իր մահվան օրը` քիչ ավելի վաղ, Օլնին հյուրընկալվել է նաև WUWF 88.1 ռադիոկայանին:   

Երաժիշտն ամերիկյան ֆոլք-ռոքի հայտնի ներկայացուցիչ էր, որը հասցրել է թողարկել ավելի քան 20 ալբոմ: