«Նորնիկել»-ին 2,1 մլրդ դոլար տուգանք է սպառնում 21 հազար տոննա նավթամթերքի արտահոսքի պատճառով

16:05 • 07.07.20

ՌԴ Բնական ռեսուրսների վերահսկման դաշնային ծառայությունը («Ռոսպրիրոդնադզոր») գնահատել է մեկ ամիս առաջ Նորիլսկում տեղի ունեցած տեխնածին վթարի պատճառած վնասները շրջակա միջավայրին և վնասների կամավոր հատուցման պահանջ է ուղարկել Նովոսիբիրսկի առևտրատնտեսական քոլեջին (ներառված է «Նորնիկել» խմբում): Այս մասին տեղեկացնում է interfax.ru կայքը:

Ջրային օբյեկտներին հասցված վնասը գնահատվել է 147,46 միլիարդ ռուբլի, հողային օբյեկտներինը` 738,6 միլիարդ ռուբլի (ընդհանուրը` 148 միլիարդ 198,6 միլիոն ռուբլի):

Ռուսաստանի կենտրոնական բանկի տարադրամի փոխարժեքի վերջին տվյալներով՝ այս գումարը հավասար է 2,1 միլիարդ դոլարի: Դա 2019 թվականին «Նորնիկել»-ի դրամական միջոցների ազատ հոսքի 40%-ից ավելին է կազմում:

««Ռոսպրիրոդնադզոր»-ի փաստաթղթերը դեռևս չեն հասել ընկերություն: Հասնելուն պես կուսումնասիրենք և կկարողանանք մեկնաբանել»,-տեղեկացրել են «Նորնիկել» ընկերության մամուլի ծառայությունից:

ՌԴ բնական ռեսուրսների և շրջակա միջավայրի հարցերով  նախարար Դմիտրի Կոբիլկինը հայտարարել է, որ «Նորնիկել»-ում տեղի ունեցած վթարի հետևանքով արկտիկական ջրային ռեսուրսներին հասցված վնասը աննախադեպ է և «Ռոսպրիրոդնադզոր»-ի նշանակած փոխհատուցման գումարի չափը համապատասխանում է  դրան:

«Ջրային արկտիկական ռեսուրսներին հասցված վնասն աննախադեպ է: Գումարը դրան համապատասխանում է: Եթե հիշենք Ալյասկայի ափերի մոտակայքում տեղի ունեցած Exxon Valdez В տանկեռի վթարը, ապա փոխհատուցման գումարներն ու տուգանքները այնտեղ գերազանցում էին 5 միլիարդ դոլարը»,-ասել է նախարարը:

Մայիսի 29-ին Նովոսիբիրսկի առևտրատնտեսական քոլեջի ՋԷԿ-3 տարածքում տեղի ունեցած վթարի հետևանքով շուրջ 21 հազար տոննա նավթամթերք է թափվել գետը, ինչն աղտոտել և վնասել է շրջակա միջավայրը: Ներկայումս վթարի հետևանքների չեզոքացումը  շարունակվում է: