Բացահայտվել է Մարգարյան փողոցի 31 շենքի բնակարաններից մեկից կատարված գողության դեպքը, 2 մարդ կալանավորվել է

16:16 • 11.07.20

2019 թվականի նոյեմբերի 29-ին ոստիկանության Մաշտոցի բաժնում հաղորդում էր ստացվել, որ Մարգարյան փողոցի 31 շենքի բնակարաններից մեկից գողացել են ոսկյա զարդեր, փող և «ԱՈՒՏՕ» տեսակի գազային ատրճանակ:

Մաշտոցի ոստիկանների և քննիչների ձեռնարկած օպերատիվ-հետախուզական միջոցառումների և քննչական գործողությունների շնորհիվ պարզվել է, որ գողությունը կատարել են Էջմիածնում բնակվող 25 և 45-ամյա տղամարդիկ։

Նշված անձինք կալանավորվել են: Գողացված գազային ատրճանակը հայտնաբերվել է:
Կատարվում է նախաքննություն: