Հարվի Վայնշտեյնի ակտիվները սառեցվել են նախկին կանանց կողմից
Պրոդյուսեր Հարվիա Վայնշտեյնի նախկին կանայք այս տարվա ապրիլին դիմել են դատարան և հաջողությամբ համոզել են դատավորներին սառեցնել պրոդյուսերի շուրջ 6 միլիոն դոլար ակտիվները: Այս մասին տեղեկացնում է abcnews.go.com կայքը` հղում տալով իր աղբյուրներին:
Վայնշտեյնը բռնաբարության և սեռական բնույթի հանցագործությունների համար դատապարտվել է 23 տարվա ազատազրկման և նրա ակտիվների սառեցումը նրան թույլ չի տալիս անգամ բողոքարկել որոշումը, նա դրա համար գումար չունի: Մյուս ակտիվները սառեցվել են սնանկության պատճառով:
2004 թվականին Վայնշտեյնից բաժանված Էվ Չիլթոնի և 2017 թվականին բաժանված Ջորջինա Չապմանի փաստաբանները հրաժարվել են մեկնաբանություններ տալ Վայնշտեյնի ակտիվների սառեցման վերաբերյալ:










