Չինաստանում ավտոբուսի վարորդը «կյանքից դժգոհ լինելու պատճառով» դիտավորյալ դուրս է եկել ճանապարհի երթևեկելի հատվածից և հայտնվել ջրամբարում՝ դառնալով 21 մարդու մահվան պատճառ (տեսանյութ, լուսանկարներ)

16:07 • 13.07.20

Անցյալ շաբաթ Չինաստանի Գույչժոու նահանգում ավտոբուսի վարորդը դիտավորյալ դուրս էր եկել ճանապարհի երթևեկելի հատվածից և հայտնվել ջրամբարում՝ դառնալով 21 մարդու մահվան պատճառ՝ կառավարության կողմից իր վարձակալած բնակարանը քանդելու որոշման համար վրեժխնդրությունից դրդված: Այս մասին հաղորդում է ոստիկանությունը, գրում է South China Morning Post-ը։

Միջադեպը տեղի է ունեցել հուլիսի 7-ին՝ տեղական ժամանակով ժամը 11:45-ին, երբ մայրուղով ընթացող ավտոբուսը նախ նվազեցրել է արագությունը, իսկ հետո կտրուկ թեքվել է՝ քանդելով ճանապարհային պատնեշները և ընկնելով Անհշուն քաղաքի ջրամբարը: Արտակարգ պատահարի հետևանքով 21 մարդ զոհվել է, այդ թվում՝ վարորդը․ ևս 15-ը վիրավորվել են։

Հետաքննության արդյունքների համաձայն՝ 52-ամյա վարորդը դեպքի օրը՝ առավոտյան, ալկոհոլ է օգտագործել։ Նրա գործողությունների շարժառիթը, ըստ ոստիկանության հայտարարության, կյանքից դժգոհությունն ու կառավարության կողմից իր տունը քանդելու որոշումն է եղել։

Ոստիկանության տվյալներով՝ վարորդը բնակվել է իր համար գործատուի վարձակալած տանը։ Հունիսին նա տեղական իշխանությունների հետ համաձայնագիր է կնքել վերակառուցման ծրագրի շրջանակում մեկ այլ տուն տեղափոխվելու մասին, սակայն նախքան տղամարդը կկարողանար իր համար նոր բնակարան գտնել, նրան հաղորդել են շինությունը քանդելու մասին։

Նա զանգահարել է թեժ գիծ և դժգոհություն հայտնել տան քանդման և այլ բնակարան վարձակալելու անհնարինության վերաբերյալ։

Դեպքի առնչությամբ կատարվում է հետաքննություն։

A bus driver in China intentionally drove his vehicle full of passengers into a 50ft deep reservoir in an act of revenge. Pictured, firefighters look for survivors in the wrecked busTwenty-one people - including the driver himself - died and 15 were injured after the fatal bus crash. A team of rescuers are pictured searching for survivors on the scene last TuesdayThe 52-year-old bus driver 'was unhappy about his life and about the demolition of the public-owned house he rented.' Pictured, the bus being salvaged from the reservoir in AnshunLocal officers are pictured inspecting the damaged bus after it was salvaged from the water