Լողափերը բաց են, լողալն՝ արգելված. Բրազիլիան խստացրել է կորոնավիրուսի դեմ պայքարը (ուսանկարներ)
Բրազիլիայի իշխանությունները սկսել են ավելի լուրջ վերաբերվել կորոնավիրուսային համաճարակին, որը երկրում խլել է 72 100 մարդու կյանք. միայն անցած օրվա ընթացքում Բրազիլիայում գրանցվել է մահվան 631 դեպք:
Ինչպես նշում է Daily Mail-ը, Ռիո դե Ժանեյրո քաղաքում արգելվել է լողալու նպատակով լողափ այցելել: Խոսքը նաև հանրահայտ Կոպակաբանա լողափի մասին է:
Թեև լողափերը բաց են, սակայն քաղաքային իշխանությունները մարդկանց թույլ չեն տալիս լողալ, նրանք կարող են միայն մարզվել կամ ջրային սպորտաձևերով զբաղվել:
Ստորև հրապարակված լուսանկարներում երևում է՝ ինչպես են ոստիկանները լողափերից հեռացնում կանոնները խախտողներին:
Հիշեցնենք, որ երկրի նախագահ Ժաիր Բոլսոնարուն, որը բազմիցս կասկածի տակ է առել կորոնավիրուսային համավարակի լրջությունն ու տնտեսական, սոցիալական սահմանափակումների դեմ հանդես եկել, ևս վարակվել է կորոնավիրուսով:















