Ջրափրկարարները Հայրավանք գյուղի մոտակա լողափում մոտորանավակով ժայռաբեկորին բախված և քամու պատճառով վերադառնալ չկարողացող քաղաքացուն դուրս են բերել լճից
Հուլիսի 19-ին, ժամը 17:37-ին Ճգնաժամային կառավարման ազգային կենտրոն ահազանգ է ստացվել, որ Հայրավանք գյուղի մոտակա լողափում մոտորանավակը բախվել է ժայռաբեկորին և քամու պատճառով չի կարողանում վերադառնալ ափ․ անհրաժեշտ է ջրափրկարարների օգնությունը։ Այս մասին հայտնում են ԱԻՆ-ից:
Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության հատուկ ջրափրկարարական ջոկատից երկու մարտական հաշվարկ։
Ջրափրկարարները Գևորգ Գ․-ին (ծնված 1996 թ․) և մոտորանավակը դուրս են բերել ջրից։










