Արարատի մարզի Այգավան համայնքի մոտ գտնվող կամուրջը միակողմանի փակ է. մեկնարկել են նորոգման աշխատանքները. ՏԿԵՆ

10:24 • 20.07.20

ՀՀ ՏԿԵ նախարարությունը տեղեկացնում է, որ մեկնարկել են Երևան-Երասխ-Գորիս-Մեղրի-հայ-իրանական սահման միջպետական նշանակության ավտոճանապարհի կմ 45+000 հատվածում՝ Արարատի մարզի Այգավան համայնքի մոտ գտնվող կամրջի նորոգման աշխատանքները։

Կամրջի նորոգումն իրականացվում է «Արարատ ճանշին» ՍՊ ընկերության կողմից։ Աշխատանքներն ընթանալու են 90 օր։ Աշխատանքների անվտանգ և բնականոն ընթացքն ապահովելու նպատակով կամուրջը միակողմանի փակ է։ Կամրջի հատվածում տեղադրված են անվտանգության նշաններ։

Նախարարությունը վարորդներին հորդորում է տվյալ ճանապարհահատվածում լինել զգոն և պահպանել անվտանգ երթևեկության կանոնները։