Թրամփը երկու համաշխարհային պատերազմները «գեղեցիկ» է որակել (տեսանյութ)
Միացյալ Նահանգների նախագահ Դոնալդ Թրամփը ծավալուն հարցազրույց է տվել Fox News հեռուստաալիքի հաղորդավար Քրիս Ուոլիսին, որի ընթացքում խոսել է երկու աշխարհամարտերում ԱՄՆ-ի տարած հաղթանակների մասին՝ համաշխարհային պատերազմները որակելով «գեղեցիկ»:
Նախագահը նշել է, որ դեմ է Կոնֆեդերացիայի հերոսների պատվին անվանակոչված ռազմաբազաների անվանափոխմանը՝ ընդգծելով, որ այդ ռազմաբազաների շնորհիվ ԱՄՆ-ն հաղթանակ է տարել «երկու գեղեցիկ համաշխարհային պատերազմներում»:
«Մենք երկու աշխարհամարտ ենք հաղթել...երկու գեղեցիկ աշխարհամարտ՝ դաժան և սարսափելի: Եվ մենք դրանք հաղթել ենք «Ֆորտ Բրեգ»-ից և մյուս ռազմաբազաներից: Իսկ հիմա նրանք ցանկանում են հրաժարվել այդ անվանումներից: Ես դրան դեմ եմ», -ասել է Թրամփը:
Հիշեցնենք, որ ԱՄՆ-ում սպիտակամորթ ոստիկանի կողմից սևամորթ իրավախախտ Ջորջ Ֆլոյդի սպանությունից հետո երկրով մեկ ռասայական խտրականության դեմ բողոքի ալիք է բարձրացել: Բազմաթիվ ակտիվիստներ պահանջում են Քաղաքացիական պատերազմի ժամանակվա զորահրամանատարների պատվին անվանակոչված ռազմաբազաների անվանումները փոխել:
"We won two world wars. Beautiful world wars. That were vicious and horrible. And we won them out of Fort Bragg, we won them out of all of these forts, and now they want to throw those names away" -- Trump pic.twitter.com/ICGy2GTnXn
— Aaron Rupar (@atrupar) July 19, 2020










