Մարոկկոյի Թագավորությունը հուլիսի 30-ին կնշի Մուհամեդ VI թագավորի գահակալության 21-րդ տարեդարձը

13:51 • 22.07.20

Մարոկկոյի Թագավորությունը հուլիսի 30-ին կնշի Նորին Մեծություն Մուհամեդ VI թագավորի գահակալության 21-րդ տարեդարձը:

Այս տոնը նշանավորում է մարոկկացիների և ալավիական գահի միասնական համակեցությունը:

Բացի այդ, գահակալության օրը մեծ նշանակություն ունի թագավորության բնակչության կյանքում՝ վերջին տարիների արժեքավոր ձեռքբերումներն ընդգծելու և Մուհամեդ VI թագավորի գլխավորությամբ ժամանակակից ու բարգավաճ երկիր կառուցելու գործում մեծ հաջողությունների հասնելու ձգտմամբ լցվելու համար:

1999 թվականի հուլիսի 30-ին Նորին Մեծություն Մուհամեդ VI-ի գահակալությունից հետո և շնորհիվ նրա բազմաթիվ համարձակ ու անվեհեր նախաձեռնությունների՝ Մարոկկոյում մի շարք զգալի փոփոխություններ են արձանագրվել, իրականացվել են բազմաթիվ տնտեսական և սոցիալական նախագծեր, երկիրը կարևոր ձեռքբերումներ է գրանցել և ձեռնամուխ է եղել խորը քաղաքական բարեփոխումների գործընթացին:

Այս բարեփոխումները հիմնականում իրականացվել են քաղաքական, տնտեսական, սոցիալական, կրոնական, արդարադատության և մարդու իրավունքների ոլորտներում, մասնավորապես՝ անցումային արդարադատության ոլորտում արդարության ապահովման և հաշտեցման, արդարադատության համակարգի բարեփոխումների և անկախության ամրապնդման, մարդու իրավունքների ամրապնդման և 2011 թվականին նոր սահմանադրության ընդունման ոլորտներում, որը կարևոր քայլ է քաղաքական և սոցիալական կյանքում և թույլ է տվել հաստատել ժողովրդավարության և մարդու իրավունքների արժեքները:

Մարոկկոն մշտապես աջակցել է հակամարտությունների կարգավորման խաղաղ գործընթացներին, լինի դա միջազգային, թե տարածաշրջանային մակարդակով, մասնակցել է ՄԱԿ-ի բազմաթիվ խաղաղապահ գործողությունների:

Մարոկկոն ակտիվորեն խրախուսում և խթանում է օտարերկրյա ներդրումները, մասնավորապես՝ արտահանման ոլորտում:

Մեծ ձեռքբերումներ են գրանցվել ճանապարհաշինական ենթակառուցվածքների, ավտոճանապարհների, երկաթուղիների, նավահանգիստների և օդանավայականների զարգացման ոլորտներում, ինչը նպաստել է տնտեսական համագործակցության զարգացմանը, աշխատատեղերի ստեղծմանը:

Լինելով աշխարհի չորս ամենաէկոլոգիական երկրներից մեկը՝ Մարոկկոն մինչև 2030 թվականն իր էլեկտրաէներգիայի 52 տոկոսը կստանա էկոլոգիապես մաքուր էներգիայի աղբյուրներից:

Այս կապակցությամբ Մարոկկոն ձեռնամուխ է եղել խոշոր էներգետիկ ծրագրի իրականացմանը, որը բաղկացած է վերականգնվող էներգիայի արտադրության մի քանի նախագծերից, ինչպիսիք են «Նուր» (NOOR) արևային էլեկտրակայանը՝ աշխարհի խոշորագույն արևային նախագիծը, և Մարոկկոյի հարավում գտնվող Տարֆայա քաղաքի հողմային էլեկտրակայանը, որն ամենախոշորն է Աֆրիկայում:

Տարածաշրջանային մակարդակով Մարոկկոն տարիների ընթացքում կարողացել է խորը դիվանագիտական հարաբերություններ հաստատել եղբայրական աֆրիկյան պետությունների հետ:

Մարոկկոն նախաձեռնել է տնտեսական համագործակցության ընդհանուր ռազմավարության իրականացումը, որը նպատակ ունի կայուն զարգացում ապահովել աֆրիկյան ժողովուրդների և այդ մայրցամաքի տնտեսական զարգացման համար:

Մարոկկոյի՝ Աֆրիկայի զարգացմանն ուղղված ջանքերը հաջողությամբ են պսակվել 2017 թվականի հունվարին Մարոկկոյի՝ Աֆրիկյան միություն վերադարձով:

Մուհամեդ VI-ի ղեկավարությամբ Մարոկկոն առաջին երկրներից մեկն էր, որ խիստ սահմանափակումներ մտցրեց կորոնավիրուսի համավարակի հետ կապված, ինչն օգնեց երկրին նվազ կորուստներով պայքարել վիրուսի դեմ և դառնալ օրինակ հարևան երկրների համար: