Նախորդ օրը կորոնավիրուսից մահացած 59-ամյա Սիրանուշ Հարությունյանը «Սուրբ Գրիգոր Լուսավորիչ» բժշկական կենտրոնի պոլիկլինիկայի մանկաբույժ էր. ԱՆ խոսնակ
Նախորդ օրը կորոնավիրուսից մահացածներից մեկը «Սուրբ Գրիգոր Լուսավորիչ» բժշկական կենտրոնի պոլիկլինիկայի մանկաբույժ էր։ Այս մասին ֆեյսբուքյան իր էջում գրել է ԱՆ խոսնակ Ալինա Նիկողոսյանը։
«Ցավով պետք է հայտնեմ, որ մահվան դեպքերից մեկն արձնագրվել է բուժաշխատողի մոտ: 59-ամյա Սիրանուշ Հարությունյանն աշխատել է «Սուրբ Գրիգոր Լուսավորիչ» բժշկական կենտրոնի պոլիկլինիկայում՝ որպես մանկաբույժ: Շնորհակալ ենք բժշկուհուն իր պատասխանատու և նվիրումով աշխատանքից, հոգատար վերաբերմունքից:
Այս դժվարին փորձությամբ անցնում է նաև նրա ընտանիքը՝ կրելով սիրելի մարդու անժամանակ ու անդառնալի կորուստը: Առողջապահության նախարարությունը ցավակցում է բժշկուհու ընտանիքի անդամներին»,- գրել է նա:
Հիշեցնենք, որ հուլիսի 22-ի դրությամբ Հայաստանում հաստատվել է կորոնավիրուսով վարակվելու 439 մահվան՝ 18 նոր դեպք․ վարակվածների ընդհանուր թիվը 35693 է, մահվան դեպքերինը՝ 895։










