Կալիֆոռնիայում անտառային հրդեհների մակերեսն ավելացել է եռակի՝ 4000 հեկտարից հասնելով մոտ 12 000-ի (լուսանկարներ, տեսանյութեր)
Ամերիկյան Կալիֆոռնիա նահանգում բռնկված անտառային հրդեհների մակերեսը երկու օրում ավելացել է՝ հասնելով 11,6 հազար հեկտարի, սկզբնապես այն կազմում էր մոտ 4000 հեկտար, հայտնում է korrespondent.net-ը:
Նշվում է, որ Լոս Անջելեսից ոչ հեռու գտնվող Սան Գաբրիել լեռան լանջերին առնվազն երեք շինություն է ավերվել, ավելի քան 5000 տուն գտնվում է սպառնալիքի տակ: Տուժածների և զոհերի մասին չի հաղորդվում:
Լրատվամիջոցների տվյալների համաձայն՝ հրդեհի դեմ պայքարում է Լոս Անջելես և Սանտա Մոնիկա շրջաններից մոտ 500 հրշեջ, հրշեջ ավիացիայի 6 ինքնաթիռ, 9 ուղղաթիռ և 50 հրշեջ մեքենա:
Ինչպես ավելի վաղ հաղորդել էր Tert.am-ը, հրդեհը բռնկվել է Կալիֆոռնիա նահանգի Անջելեսի ազգային արգելոցի տարածքում և արագորեն տարածվել մոտ 4 000 հեկտարի վրա։ Առնվազն 100 տան բնակչի տարհանման աշխատանքներ էին կազմակերպվել։



California wild fire. Tvb news roundup August 14 2020.@keinac @ Daniel Rowell pic.twitter.com/XCUJIil5Mr
— Lucas A. (@LucasL6002) August 15, 2020
WATCH: Fast-moving Lake Fire forces evacuations in Southern California-- @PattersonNBC reports. pic.twitter.com/PCBxAmi1a0
— NBC Nightly News with Lester Holt (@NBCNightlyNews) August 15, 2020










