«Ծնունդդ շնորհավո՛ր, առնե՛տ». Լուկաշենկոյի ծննդյան 66-ամյակը, Պուտինի կողմից Մոսկվա այցելելու հրավերը և հերթական բազմամարդ բողոքի ակցիան. Daily Mail-ի անդրադարձը (տեսանյութ, լուսանկարներ)

10:44 • 31.08.20

Բելառուսում նախագահ Ալեքսանդր Լուկաշենկոյի ծննդյան 66-ամյակի օրը` օգոստոսի 30-ին, բողոքի ցույցերի 4-րդ շաբաթվա ընթացքում տասնյակ հազարավոր ցուցարարներ կրկին փողոց են դուրս եկել և բացականչել «Ծնունդդ շնորհավո՛ր, առնե՛տ»: Այս մասին գրում է Daily Mail պարբերականը:

Օգոստոսի 30-ի բողոքի ակցիային Բելառուսի մայրաքաղաքում մասնակցել է առնվազն 100 հազար մարդ:

Իր ծննդյան օրը Լուկաշենկոն անցկացրել է մայրաքաղաքի կենտրոնում գտնվող իր նստավայրում, որտեղ նրան կրկին նկատել են ինքնաձիգը ձեռքին: Նրան զանգահարել է ՌԴ նախագահ Վլադիմիր Պուտինը և հրավիրել Մոսկվա, ինչը խորհրդանշում է Ռուսաստանի աջակցությունը Լուկաշենկոյին, չնայած նրան, որ ԵՄ-ն և ԱՄՆ-ն չեն ընդունում օգոստոսի 9-ին անցկացված նախագահական ընտրությունների կասկածելի արդյունքները:

Ինչպես գրում է լրատվամիջոցը, Լուկաշենկոն այդպես էլ ի վիճակի չեղավ ճնշելու 9,5 միլիոն բնակչությամբ արևելաեվրոպական երկրում տեղի ունեցող բողոքի ակցիաները: Նա հրաժարվել է կրկնակի ընտրություն անցկացնելու առաջարկից, չնայած նրան, որ և ԵՄ-ն և ԱՄՆ-ն հայտարարել էին, որ անցկացված ընտրություններն ազատ և արդար չեն եղել, ինչպես նաև հրաժարվել է իրավիճակը կայունացնելու գործում մերձբալթյան երկրների առաջարկած օգնությունից:

Լուկաշենկոն հայտարարել է, որ համաձայնության է եկել ՌԴ նախագահ Վլադիմիր Պուտինի հետ այն հարցում, որ Ռուսաստանն անվտանգության ոլորտում անհրաժեշտության դեպքում կաջակցի Բելառուսին, սակայն, ինչպես երևում է, Ռուսաստանը մտադիր չէ ակտիվ մասնակցություն ունենալ Բելառուսում տեղի ունեցող անկարգություններին:

Ընտրություններում Լուկաշենկոյի գլխավոր մրցակից Սվետլանա Տիխանովսկայան, որն անվտանգության նկատառումներով գտնվում է Լիտվայում, հեռախոսով իր մաղթանքն է հայտնել Լուկաշենկոյին:

«Ես նրան ցանկանում եմ հաղթահարել իր բոլոր վախերը, նայել ճշմարտության աչքերին, լսել ժողովրդի ձայնն ու հեռանալ»,-ասել է Տիխանովսկայան:

Հիշեցնենք, որ օգոստոսի 30-ին Մինսկում տեղի ունեցած բազմահազարանոց ցույցերի ժամանակ 125 մարդ է ձերբակալվել:  

Բողոքի ցույցերը Բելառուսում չեն դադարում օգոստոսի 9-ին կայացած նախագահական ընտրություններից ի վեր. ընդդիմադիրներն ու նրանց կողմնակիցներն ամեն օր փողոց են դուրս գալիս՝ բողոքելով ընտրությունների արդյունքներից, որոնց համաձայն՝ 80 տոկոս ձայնով հաղթող է ճանաչվել երկրի գործող նախագահ Ալեքսանդր Լուկաշենկոն:

Belarusian opposition supporters with old Belarusian national flags and a poster reading 'Why haven't the killers been arrested yet?' rally in Minsk, Belarus, Sunday, Aug. 30, 2020

A woman holds a poster 'Your 80 percent are painted with blood' during a protest rally against the results of the presidential elections, in Minsk on Sunday

Belarusian opposition supporters with an old Belarusian national flags march in Minsk, Belarus, Sunday

Belarusian opposition supporters with an old Belarusian national flags march in Minsk, Belarus, Sunday

Belarus woman speaks with policemen during a protest rally against the results of the presidential elections, in Minsk, Belarus

 

Law enforcement officers block a street during a rally of opposition supporters protesting against presidential election results near the Independence Palace in Minsk
Belarus woman lies on the ground and holds poster 'I em not afraid' in front of police during a protest rally against the results of the presidential elections, in Minsk, Belarus

Law enforcement officers block a street during a rally of opposition supporters protesting against presidential election results near the Independence Palace in Minsk, Belarus on Sunday

Maria Kolesnikova, one of Belarus' opposition leaders, center, gestures, during a rally in Minsk, Belarus, Sunday

A Belarusian opposition supporter kneels in front of riot police officers during a protest in Independence Avenue in Minsk on Sunday