Երբ հանրության դժգոհությունը հարուցած ԿԳՄՍ նախարարի դեմ բողոքի ակցիան արտակարգ դրությունից հետո սահմանափակվի կարանտինով, կլինի այն, ինչից որոշ պաշտոնյաներ անասնական սարսափ են ապրում. Արմեն Գրիգորյան
ՀՅԴ Էկոնոմիկայի և ֆինանսների հանձնախմբի նախագահ Արմեն Գրիգորյանը ֆեյսբուքյան իր էջում գրել է, որ «վերջապես դպրոցները կբացվեն և ուսուցիչներն ու աշակերտները իրենց ծնողների հետ միասին արդեն իրենց ամենօրյա աշխատանքում կզգան, թե ինչ փորձանք է որպես վերակացու Նիկոլը կարգել իրենց գլխին»:
Նրա գրառումն ամբողջությամբ ներկայացնում ենք ստորև.
«Վերջապես դպրոցները կբացվեն և ուսուցիչներն ու աշակերտները իրենց ծնողների հետ միասին արդեն իրենց ամենօրյա աշխատանքում կզգան, թե ինչ փորձանք է որպես վերակացու Նիկոլը կարգել իրենց գլխին։
Պատկերացրեք մի վիճակ, երբ հանրության դժգոհությունը հարուցած ԿԳՄՍ նախարարի դեմ բողոքի ակցիան արտակարգ դրությունից հետո սահմանափակվում է կարանտինով։
Պատկերացրեք, որ մարզերից որոշում են գալ և բողոքի ակցիա կազմակերպել կառավարության շենքի մոտ։ Մեկ էլ հո՛պ, տվյալ մարզի մարզպետը հրապարակում է նախորդ օրվա մի թղթի կտոր, որի վրա դուխով գրված է մարզը սահմանափակումների մեջ է և ոչ ոք չի կարող լքել մարզը։
Պատկերացրեցի՞ք ․․․
Դե հիմա պատկերացրեք թե ինչ կլինի։ Այո՛, դուք ճիշտ եք, կլինի այն ինչից որոշ պաշտոնյաներ անասնական սարսափ են ապրում։
Կլինի և սրա բարոյական ու քաղաքական պատասխանատվությունը կկրեն իշխանությունները։
Հ․Գ․ Անպատասխանատուներով հենց քաղաքական պատասխանատվություն կրեն՝ կկրենք»:










