«Խորհրդավոր փաթեթներ Չինաստանից»․ ԱՄՆ-ում հազարավոր քաղաքացիներ սերմերով լի ծանրոցներ են ստացել, ինչից հետո Amazon-ը սերմերի ներկրման արգելք է սահմանել (լուսանկարներ)
Amazon ընկերությունն ԱՄՆ սերմերի ներմուծման արգելք է սահմանել այն բանից հետո, երբ երկրի հազարավոր քաղաքացիներ մեծամասամբ Չինաստանում բնակվող անhայտ հասցեատերերից սերմերով լի ծանրոցներ են ստացել՝ չնայած, որ իրենք նման բան չէին պատվիրել: Այս մասին հայտնում է Wall Street Journal-ը։
Թերթի տվյալներով՝ արգելքը սկսել է գործել սեպտեմբերի 3-ից։ Amazon-ը զգուշացրել է օտարերկրյա գործընկերներին իր որոշման մասին և պարտավորեցրել վաճառողներին հեռացնել համապատասխան առաջարկներով հրապարակումները:
Ընկերությունում հայտնում են, որ սերմացու վաճառելն այժմ թույլատրված է միայն նրանց, ովքեր գտնվում են ԱՄՆ-ի տարածքում: Այդ արգելքը խախտողների օգտահաշիվները կարող են հեռացվել։
Ամերիկյան կողմը հայտարարել է, որ Չինաստանի պաշտոնատար անձանց հետ փոխգործակցությամբ փորձում է պարզել, թե ով է սերմացու ուղարկում։
Հուլիսի վերջին հայտնի էր դարձել, որ ԱՄՆ բնակիչները Չինաստանից հազարավոր ծանրոցներ են ստացել, որոնցում սերմեր են։
Խորհրդավոր փաթեթների զննության ընթացքում հայտնաբերվել է առնվազն 14 տարբեր տեսակի սերմ, ներառյալ՝ մանանեխ, խնկունի, նարդոս և վարդեր:













