Տանիքները կարևոր են դիրքերում կանգնած զինվորների համար, որ երբ նրանք ետ նայեն՝ իրենց թիկունքում տեսնեն զարգացող բնակավայր. Նիկոլ Փաշինյաննի ելույթը Բերդ քաղաքում (տեսանյութ)
Մովսես, Ներքին Կարմիր աղբյուր գյուղերը իրենց 300 տարվա ընթացքում երբեք ասֆալտապատ ճանապարհ չեն ունեցել, այսօր ունեն ժամանակակից պահանջներին համապատասխան ճանապարհ և հույս ունենք մինչև տարեվերջ, որ Ներքին Կարմիր աղբյուրը կունենա ժամանակից զբոսայգի, որը կփոխի ներքին Կարմիր աղբյուրի մթնոլորտը. Բերդ քաղաքում Երևանյան հեռանկարներ 21-րդ միջազգային երաժշտական փառատոնի բացմանը իր ելույթում նշեց վարչապետ Նիկոլ Փաշինյանը:
«Այգեպար համայնքը երբեք ասֆալտապատ փողոցներ չի ունեցել, այսօր Այգեպարի բոլոր փողոցները ասֆալտապատվում են, հրետակոծությունից տուժված տանիքները փոխվում են և դրանով փոխվում է բնակավայրի գույնը»,- ասաց նա:
Վարչապետի խոսքով`այդ աշխատանքները միայն տավուշցիների, Բերդի և գյուղերի համար չի իրականացվում, այն իրականացվում է նաև սահմանում ծառայող զինվորների համար.
«Ես այսօր մտածում էի Այգեպարի նորացված տանիքների մասին, և ինձ համար կարևոր պատկերը հետևյալն ՝ իսկ ի՞նչ է տեսնում մեր զինվորը՝ դիրքերից հետ նայելով: Տանիքները կարևոր են դիրքերում կանգնած զինվորների համար, որ երբ նրանք ետ նայեն, տեսնեն իրենց թիկունքում զարգացող բնակավայր, տեսնեն ապագայի նկատմամբ վճռականություն ունեցող և մշակույթով ապրող թիկունք: Այս համերգը խորագրված է «Մշակույթը ՝թիկունք» և այսօրվա մեր շրջայցը պատկերում է գյուղական բնակավայրերում մարդկանց նոր կենսակերպի մասին մեր տեսլականը:










