Ֆրանսիայում վերջին մեկ օրում կորոնավիրուսով վարակման ավելի քան 4000 նոր դեպք է գրանցվել. Reuters

03:33 • 08.09.20

Ֆրանսիայում վերջին մեկ օրում կորոնավիրուսով վարակման 4203 նոր դեպք է գրանցվել, հաղորդում է Reuters-ը՝ հղում անելով երկրի առողջապահության նախարարության հրապարակած պաշտոնական տվյալներին:

Սեպտեմբերի 4-ին վարակման ռեկորդային թվով՝ 8975 դեպք էր գրանցվել, որն ամենաբարձր ցուցանիշն էր Ֆրանսիայում համաճարակի տարածման սկզբից ի վեր:

Մինչև այժմ Ֆրանսիայում կորոնավիրուսից 30 726 մարդ է մահացել, 25-ը՝ վերջին 24 ժամում, իսկ ընդհանուր առմամբ վարակման 328 980 դեպք է գրանցվել:

Ավելի վաղ Փարիզի իշխանությունները փողոցներում բժշկական պաշտպանիչ դիմակներ կրելը պարտադիր էին դարձրել, նույն պահանջը օգոստոսի սկզբին Ֆրանսիայի մեկ այլ խոշոր քաղաքում՝ Նիցցայում էր սահմանվել:

Հուլիսի կեսերին Ֆրանսիայի նախագահ Էմանուել Մակրոնը հայտարարել էր երկրում կորոնավիրուսի երկրորդ ալիքի հավանականության մասին: