Իրանի կենտրոնական հատվածում երկրաշարժ է գրանցվել
Իրանի կենտրոնական հատվածում 5.0 մագնիտուդ ուժգնությամբ երկրաշարժ է գրանցվել: Այս մասին հայտնում է RT-ն՝ հղում տալով Եվրոպական-Միջերկրածովյան սեյսմոլոգիական կենտրոնի հաղորդած տվյալներին:
Նշվում է, որ երկրաշարժի էպիկենտրոնը եղել է շուրջ 477 հազար բնակչություն ունեցող Յազդ քաղաքից 168 կմ հյուսիս-արևմուտք:
Ցնցումների օջախը եղել է 20 կմ խորության վրա:
Հնարավոր տուժածների կամ ավերածությունների մասին տեղեկություն չի ստացվել:










