ՄԱԿ-ի 53 երկրները համատեղ հայտարարությամբ դատապարտել են Բելառուսի իշխանությունների գործողությունները խաղաղ ցուցարարների նկատմամբ
Ավելի քան 50 պետություն, այդ թվում ԱՄՆ-ն, Մեծ Բրիտանիան, Գերմանիան, Ֆրանսիան, Լեհաստանը, Ուկրաինան, Էստոնիան, հանդես են եկել ցուցարարների նկատմամբ Բելառուսի իշխանությունների գործողությունների դեմ: Այս մասին հայտնում է РИА Новости-ն:
ՄԱԿ-ի Գլխավոր ասամբլեայի Երրորդ կոմիտեի նիստի ժամանակ 53 երկրների անունից հայտարարությունը հնչեցրել է կազմակերպությունում Էստոնիայի մշտական ներկայացուցիչ Սվեն Յուրգենսոնը:
«Մենք վճռականորեն դատապարտում ենք Բելառուսի իշխանությունների ռեպրեսիան… խաղաղ ցուցարարների նկատմամբ, այդ թվում… հայտնի մարզիկների, լրագրողների և ԶՄՆ այլ աշխատակիցների, ինչպես նաև կազմակերպությունների անդամների նկատմամբ»,- հայտնել է Յուրգենսոնը:
Հայտարարությունում նշվում է, որ ցույցերի ընթացքում «բերման են ենթարկվել հազարավոր անմեղ մարդիկ, հոսպիտալացվել է հարյուրը, հաղորդվում է մի քանի մահերի մասին»:










