«Որքա՞ն ժամանակ ենք աչք փակելու Թուրքիայի էքսպանսիոնիստական քաղաքականության վրա». Վալերի Բուայե
Ֆրանսիայի խորհրդարանի անդամ, սենատոր Վալերի Բուայեն իր ֆեյսբուքյան էջում հայտնել է, որ Ֆրանսիայի Վիեն քաղաքում թուրքեր հարձակվել են ոստիկանների վրա՝ ցանկանալով բռնել հայերին, «ինչպես որ արել են 1915 թվականին»:
«Թուրքերը Վիենում հարձակվում են ոստիկանական աշխատակիցների վրա և 1915 թվականի պես ցանկանում են բռնել հայերին։ Մինչև ե՞րբ է Ֆրանսիան չեզոք մնալու։ Որքա՞ն ժամանակ ենք աչք փակելու Թուրքիայի էքսպանսիոնիստական քաղաքականության վրա։ Ինչո՞ւ ենք սպասում և Թուրքիայի նկատմամբ խիստ պատժամիջոցներ չենք ձեռնարկում»,-գրել է նա։
Հայտնի է, որ օրերս լարված է մթնոլորտը ֆրանսաբնակ հայերի և թուրքերի միջև։ Նախօրեին հայերը փակել էին դեպի Վալանս տանող ճանապարհը: Ակցիայի ժամանակ, մինչ հայ ցուցարարները պահանջում էին Ֆրանսիայի նախագահ Էմանուել Մակրոնից և ողջ Եվրոպայից ճանաչել Արցախի անկախությունը և կանգնեցնել պատերազմը, հայերին են մոտեցել թուրքեր և սադրանքի դիմել՝ մուրճով հարվածներ հասցրել, որի հետևանքով 10 հայ էր տուժել:
Նշենք, որ գիշերը Լիոն քաղաքում թուրքերի և ադրբեջանցիների կողմից ակցիաներ են իրականացվել, փնտրել են հայերին, սանձարձակություններ իրականացրել:










