Արցախի այն անտառներում, որոնք այրվում են, բայց ականապատված չեն, վտանգ չեն ներկայացնում, ամեն ինչ արվում է, իսկ որոնք վտանգավոր են, ոչինչ չի արվում. ԱԻ փոխնախարար

15:43 • 02.11.20

Այն անտառները, որը վտանգ չեն ներառում, ականապատված չեն, կամ այնտեղ, որտեղ հնարավոր է ինչ-որ բան անել, արվում է, որը վտանգավոր է, ոչինչ չի արվում, մարդու կյանքն ավելի թանկ է: Այս մասին ԱԻ նախարարության 2021 թվականի բյուջեի կատարողականի քննարկման ժամանակ ասաց ԱԻ փոխնախարար Արա Նազարյանը՝ անդրադառնալով ԲՀԿ-ական պատգամավոր Սերգեյ Բագրատյանի հարցին, որ այս պահին Քելբաջարի անտառներում հրդեհներ են, մենք որևէ կերպ դա կարո՞ղ ենք կանխել:

Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն էլ հավելեց, որ այս պահին լավ կլիներ, որ անձրևներ սկսեին. «Ինչպես գիտեք՝ հակառակորդը չթույլատրված միջոցներ է կիրառում և հրդեհները դեռ կշատանան»,- ասաց նա:

ԼՀԿ-կան պատգամավոր Արկադի Խաչատրյանն էլ նշեց. «Նախագծում կան ծրագրային միջոցառումներ, օրինակ, նյութական ռեսուրսների, պետական պահուստի ձևավորում և պահպանում, որն այստեղ անփոփոխ մեծություն է, կամ ռազմավարական նշանակության պաշարների ձևավորում և կուտակում, որտեղ, ըստ էության, նվազում ունենք, սրանք ուղղություններ են, որոնց մասին ավելի մանրամասն փակ ռեժիմի ժամանակ կխոսենք, բայց այդուհանդերձ վերանյման կարիք կա»:

Ի պատասխան՝ փոխնախարարն արձագանքեց, որ պատգամավորի բարձրացրած հարցը շատ տեղին է և այն ներկայում իր հանգուցալուծման փուլում է գտնվում: