Սնոուդենը ցանկանում է դիմել և ՌԴ քաղաքացիություն ստանալ
ԱՄՆ Ազգային անվտանգության գործակալության և Կենտրոնական հետախուզական վարչության նախկին աշխատակից Էդվարդ Սնոուդենն իր թվիթերյան էջում հայտնել է, որ ռուս-ամերիկյան երկքաղաքացիություն ստանալու դիմում է կներկայացնի։
«Ծնողներից երկար տարիներ հեռու գտնվելուց հետո ես և կինս մեր որդու հետ բաժանվելու որևէ ցանկություն չունենք։ Այդ պատճառով էլ համավարակի և փակ սահմանների այս դարաշրջանում ԱՄՆ-ի և Ռուսաստանի Դաշնության երկքաղաքացիության համար դիմում ենք ներկայացնում»,- գրել է նա:
Հայտնի է, որ հոկտեմբերի վերջին Սնոուդենը Ռուսաստանում կացության անժամկետ թույլտվություն էր ստացել։ Շ
Սնոուդենը 2013-ին հանրայնացրել էր ամերիկյան հատուկ ծառայությունների էլեկտրոնային հսկողության մեթոդների, այդ թվում`արտասահմանյան առաջնորդների բանակցությունների ապօրինի գաղտնալսման տեղեկությունները: ԱՄՆ իշխանությունների հետապնդումներից փախչելով՝ Սնոուդենը ապաստան ստանալու խնդրանքներ է ուղարկել մի շարք երկրների, այդ թվում ՝ Ռուսաստանի իշխանություններին: 2014-ի օգոստոսի 1-ին նա երեք տարի ժամկետով ստացել է ՌԴ-ում Ռուսաստանի Դաշնությունում կացության թույլտվություն, որը հետագայում նույնքան ժամանակահատվածով երկարացվել է:
Հայտնի է, որ Սնոուդենին մեղադրանք է առաջադրվել ԱՄՆ-ում լրտեսության մասին օրենքի երկու հոդվածների խախտման համար․ դրանցից յուրաքանչյուրի համար նրան 10 տարվա ազատազրկում է սառնում: ԱՄՆ վարչակազմի պաշտոնյաները բազմիցս նշել են, որ Սնոուդենին դավաճան են համարում և չեն պատրաստվում ներել նրան, քանի որ վերջինս լրջորեն վնասել է ազգային անվտանգության շահերը:
After years of separation from our parents, my wife and I have no desire to be separated from our son. That's why, in this era of pandemics and closed borders, we're applying for dual US-Russian citizenship. https://t.co/cCgT0rr37e
— Edward Snowden (@Snowden) November 1, 2020










