Թուրքիայում երկրաշարժի զոհերի թիվը հասել է 100-ի (լուսանկարներ)

10:27 • 03.11.20

Թուրքիայի Իզմիր նահանգում տեղի ունեցած հզոր երկրաշարժի հետևանքով զոհերի թիվն ավելացել է՝ հասնելով 100-ի։

Այս մասին, ինչպես գրում է ՏԱՍՍ-ը, հայտնել է Թուրքիայի արտակարգ իրավիճակների վարչությունը։

«Երկրաշարժի հետևանքով զոհվել է 100 մարդ, տուժել՝ 994-ը», - ասված է վարչության հաղորդագրության մեջ։ Ավելի վաղ հաղորդվում էր 98 զոհի մասին։

Նշվում է նաև, որ հիվանդանոցներից արդեն դուրս է գրվել 847 մարդ, 127-ը շարունակում են անհրաժեշտ բուժօգնություն ստանալ։ Փլուզված հինգ շենքի տարածքում որոնողափրկարարական աշխատանքները դեռ շարունակվում են։

Հիշեցնենք, որ Թուրքիայի արևմուտքում 6,6 մագնիտուդով երկրաշարժի էպիկենտրոնը գտնվել է Իզմիր նահանգի Սեֆերլիխիսար քաղաքի շրջանում։ Արտակարգ իրավիճակների և բնական աղետների գործակալության տվյալներով՝ օջախի խորությունը կազմել է 16,5 կմ։

Երկրաշարժը, որի հետևանքով վնասվել են մի շարք շինություններ, զգացվել է երկրի արևմուտքում և Ստամբուլում։ Երկրաշարժը զգացվել է նաև Աթենքում։ Սա վերջին տարիներին Սամոսում տեղի ունեցած ամենաուժեղ երկրաշարժն է եղել։

Turkey Quake Tolls Rises To 31 As Erdogan Warns Against Negative  'Propaganda'Death toll reaches 39 after Turkey quake | Alloa and Hillfoots AdvertiserTurkey earthquake: Scores rescued from collapsed buildings, many still  trapped | News | DW | 26.01.2020Turkey earthquake footage captures horrific moments as building collapses  in Izmir; watch videos