Ռիտա Սարգսյանի վերջին հրաժեշտի արարողությունը տեղի է ունենալու խիստ ընտանեկան միջավայրում. ՀՀ 3-րդ նախագահի գրասենյակ

02:49 • 24.11.20

Ռիտա Սարգսյանի վերջին հրաժեշտի արարողությունը տեղի է ունենալու խիստ ընտանեկան միջավայրում, հայտնում են ՀՀ 3-րդ նախագահի գրասենյակից:

«Սիրելի՛ հայրենակիցներ, 

լրատվամիջոցների հարգելի՛ ներկայացուցիչներ,

Հայտնում ենք, որ ՀՀ երրորդ նախագահի տիկնոջ`կյանքից անժամանակ հեռացած տիկին Ռիտա Սարգսյանի վերջին հրաժեշտի արարողությունը տեղի է ունենալու խիստ ընտանեկան միջավայրում։

Որոշումն ընդունվել է` ելնելով երկրում տիրող ռազմական դրությունից և համաճարակային վիճակից։

ՀՀ երրորդ նախագահի ընտանիքը խնդրում է հարգել որոշումը»,- նշված է հաղորդագրությունում:

Հիշեցնենք, որ նոյեմբերի 20-ին կյանքի 58-րդ տարում մահացել է ՀՀ երրորդ նախագահի տիկինը՝ Ռիտա Ալեքսանդրի Սարգսյանը: