Նյու Յորքում 1 շաբաթվա ընթացքում կվերաբացվի 850 դպրոց. դասի կհաճախի 190 հազար աշակերտ. ТАСС

05:31 • 08.12.20

Նյու Յորքի իշխանությունները ծրագրում են ընթացիկ շաբաթվա ընթացքում ԱՄՆ խոշորագույն մեգապոլիսում վերսկսել 850 դպրոցի աշխատանք, որոնք ավելի վաղ փակվել էին համավարակի պատճառով: Այս մասին հայտնում է ТАСС-ը՝ հղում տալով երկուշաբթի Նյու Յորքի քաղաքապետ Բիլլ դե Բլազիոյի հայտարարությանը:

«Այս շաբաթ կվերաբացվի 850 դպրոց»,- ընդգծել է նա: Քաղաքապետի խոսքով՝ սպասվում է, որ 1 շաբաթվա ընթացքում դպրոց կվերադանա 190 հազար աշակերտ: Ծրագրվում է, որ առաջին հերթին դպրոց կգնան ցածր դասարանների աշակերտները, ինչպես նաև այն երեխաները, որոնք մասնակցում են նախադպրոցական պատրաստության ծրագրերի:

Դե Բլազիոն հստակեցրել է, որ դպրոցների մի մասը երկուշաբթի արդեն բացվել է: Սպասվում է, որ վերաբացված դպրոցների մեծ մասը հաջորդ շաբաթների ընթացքում անցում կկատարեն դասապրոցեսի անցկացման 5-օրյա ռեժիմին: