ՌԴ Օրենբուրգի մարզի նավթահորերից մեկում հրդեհ է բռնկվել. կա մեկ տուժած

12:31 • 09.12.20

ՌԴ Օրենբուրգի մարզում՝ Տալլին 2 նավթահորում, հորատանցքի գազի աղբյուրի բռնկում է տեղի  ունեցել: Այս մասին ՏԱՍՍ գործակալությանը տեղեկացրել են Ռուսաստանի արտակարգ իրավիճակների նախարարության մամուլի ծառայությունից:

«Ստորգետնյա հատվածում կա հորատանցքի գազի աղբյուրի՝ 100 քմ մակերեսով բռնկում,  կրակի բարձրությունը 25 մ է»,-ասել են մամուլի ծառայությունից ՝ հավելելով, որ հրդեհին տրվել է բարդության երկրորդ (բարձրացված) աստիճան:

Գրաչևսկի շրջանից հաղորդել են, որ միջադեպի հետևանքով մի տղամարդ  վնասվածք է ստացել:

«Մեկ մարդ վնասվածք  է ստացել՝ տեղի աշխատող է, նա հոսպիտալացվել է ջերմային այրվածքներով», - ասել է գործակալության զրուցակիցը՝  հավելելով, որ դեպքի հետևանքով զոհեր չկան:

Մարզի արտակարգ իրավիճակների նախարարությունը նշել է, որ 1993 թվականին ծնված տուժածը ձեռքերի 3% այրվածքներ է ստացել, նրան տեղափոխել են Գրաչևսկի շրջանի հիվանդանոցի վիրաբուժական բաժանմունք:

Հրդեհի մարմանը մասնակցել է 50 մարդ և 14 սարքավորում, հավելել է Ռուսաստանի արտակարգ իրավիճակների նախարարությունը: