Արցախում լուծված չեն կենցաղային տարրական խնդիրները. եթե դրանք լուծվեն, վստահ եմ՝ արցախցիները կվերադառնան, սակայն իշխանությունը զբաղված է միայն պոպուլիզմով. ԱՀ ԱԺ պատգամավոր

Սոցիալական խնդրիրներն Արցախում բազմաթիվ ու բազմապիսի են այս փուլում: Այս մասին Tert.am-ի հետ զրույցում ասաց Արցախի Հանրապետության Ազգային ժողովի «Արդարություն» խմբակցության պատգամավոր Մետաքսե Հակոբյանը:

Նրա խոսքով՝ ամենամեծ խնդիրներից է տեղահանված, անտուն մնացած մարդկանց տանիքով պահովելը: «Փաստացի գրեթե ազատ բնակարաններ չկան, իսկ եղածներն էլ աստղաբաշխական գումարներով են վաարձակալության տրվում: Ես կոչ եմ անում մեր հայրենակիցներին՝ հիմա ժամանակը չէ հարստանալու, առավել ևս հիմա մենք պետք է մեկս մյուսին թիկունք կանգնելով կարողանանք այս խնդիրը լուծել, որովհետև իշխանություններն ի վիճակի չեն դա անելու: Ինչ-որ անկազմակերպ ձևով մարդկանց տեղավորելու նախապատվություն է տրվում, իսկ մնացածը, թե ինչ ձևով են կացարանի հարցը լուծում, հասկանալի չէ ու հիմնականում իրենց միջոցներով են անում»,- ասաց պատգամավորը:

Մետաքսե Հակոբյանը նշեց, որ սոցիալական խնդիրները միայն տանիք ունենալը չէ, այսօր համակարգված չի կատարվում նույնիսկ մարդկանց օգնության տրամադրումը: Ըստ նրա՝ ով իր սեփական ուժերով կարողանում է հարցեր լուծել, նա ավելի բարվոք պայմաններում է  գտնվում, ով ավելի լուռ ու համեստ է՝ հիմնականում դուրս է մնում այդ գործընթացից: «Իհարկե, նաև բազմաթիվ խնդիրներ ունենք ենթակառուցվածքների հետ՝ կապված գազամատակարարման վերականգնման, հոսանքի խնդրի հետ. այսօր կան տեղեր, որ հոսանք չկա, չի ստացվում կարգավորել, որի համար դեռ ամիսներ են անհրաժեշտ լինելու: Այսինքն՝ նույիսկ մարդկային կեցության տարրական պայմաններ ապհովելն այսօր խնդիր է Արցախում»,- ասաց նա:

Հարցին՝ ԱԺ-կառավարություն հարցուպատասխանի ժամանակ այս խնդիրների համար ի՞նչ լուծումներ առաջարկվեցին, նա նշեց, որ ավելի շատ հարցեր եղան պատգամավորների կողմից, իսկ կառավարության անդամները հիմնականում խոսում էին նախագծերից, արդեն երկու ամսից ավելի ժամանակ է անցել, միգուցե իրենք տարել են աշխատանք, բայց արդյունքը չի երևում, որովհետև խնդիրները կարծես նույնն են մնացել. «Ինչ հարց տալիս ես, ասում են՝ նախագիծ է, կամ իրենք են խնդրում կոնկրետ փաստ, նաև այնպիսի տպավորություն է, թե շատ հարցերում տեղեկացված չեն կամ տեղեկացված են, բայց բացահայտ թաքցնում են»,- ասաաց Հակոբյանը:

Պատգամավորի խոսքով՝ նաև չեն հստակեցվել ժամկետները, թե երբ լուծում կստանան առկա խնդիրները: «Անընդհատ ասում են՝ հստակեցման, ճշգրտման փուլում է, չգիտեմ՝ դեռ որքան ժամանակ է պետք հստակեցնելու կամ ճշգրտելու համար, շատ անհասկանալի է այդ մոտեցումը: Մեր՝ կառավարությանը տրված հարցերի հիմնական մասը կազմված էր բնակիչներից ստացված ահազանգերի արդյունքում»,- շեշտեց նա:

Հարցին՝ հստակ վիճակագրություն, թիվ կա՞, թե քանի անտուն մնացած արցախցի կա հիմա Արցախում,  պատգամավորն արձագանքեց. «Ո՛չ, չկա այդպիսի վիճակագրություն, որովհետև ոչ բոլորն են դիմել պատկան մարմիններին իրենց կացարանով ապահովելու համար, կան բազմաթիվ ընտանիքներ, որոնք սեփական միջոցներով գտել են բնակարաններ, կամ ապրում են հարազատի տանը»:

Դիտարկմանը՝ նա նշում է, թե մարդիկ հիմնականում իրենց միջոցներով են տեղավորվում, բայց Արցախի նախագահն ասել էր, թե հյուրանոցներում են Արցախ վերդարձածներին տեղավորելու, նա նշեց. «Նախ պետք էր այդպիսի հայտարարություն անելուց առաջ ինչ-որ մոնիտորինգ անել, հասկանալ՝ քանի՞ մարդ է ցանկանում վերադառնալ, և քանիսին հնարավորություն ունի այսօր իշխանությունը տանիքով ապահովելու: Այսօր հյուրանոցները ծանրաբեռնված են, խնմաքի տներում, ծերանոցներում ևս ընտնաիքներ են բնակվում, բայց այսօր բազմաթիվ ընտանիքներ կան, որոնք հասարակ տանիքի խնդիրը չեն կարողանում լուծել, չեք պատկերացնի որքան մարդ է դիմում գոնե ինչ-որ խելքին մոտ գներով տուն վարձելու համար, եթե 150 հազար դրամով վարձով բնակարան գտնվի Արցախում, դա երջանկություն է, այդպիսի աստղաբաշխական թվերի է հասել»:

Ըստ պատգամավորի՝ եթե այսօր իշխանությունը նման հայտարարություններ է անում ու չի կարողանում տեր կանգնել իր ժողովրդին, ապա մարդիկ էլ պետք է հույսները չդնեն իշխանությունների հատկապես այս իշխանությունների վրա, որոնք ամեն օր ապացուցում են, որ հօգուտ ժողվորդի ոչինչ չեն անում, այլ հակառակը՝ վտանգում են ժողովորդի կեցությունն ու անվտանգությունը: Նա նշեց, որ հենց դրա համար էլ ժողովուրդն շխատում է գործ չունենալ իշխանությունների հետ: Ըստ պատգամավորի՝ մարդիկ պետք է այս նեղ իրավիճակում միմյանց օգնեն, ոչ թե առիթից օգտվեն և բնակարանների գին բարձրացնեն:

Հարցին, թե ամեն օր իքս քանակի թիվ է հրապարակվվում, թե այդքան մարդ վերադարձավ Արցախ, եթե նման խդնիրներ կան, ի՞նչ թվեր են ամեն օր հրապարակվում, պատգամավորը նշեց, որ դա ուղղակի բնակչության տեղաշարժ է, որը չգիտես՝ ինչու ֆիքսում են որպես վերադարձ: «Դա վերադարձ չէ, ընտանիքները պարզապես այս Նոր տարվա օրերին ցանկանում են միասին լինել: Կան մարդիկ, որոնք ինչ-որ ծրագրերի համար են այստեղ և դա ներկայացնել որպես վարդարձողների թիվ, սխալ է: Իհարկե, ցանկացած արցախցու հայացքը դեպի Արցախ է, դեպի իրենց տունը, օջախը, նույնիսկ այն մարդկանց համար, որոնք այսօր զրկվել են իրենց տներից, երազանք է Արցախ վերադառնալը, պարզապես պետք է լինեն այն տարրական պայմանները. որ մարդը կարողանա գոնե ապրել: Եթե լինի այդ հնարավորությունը, վստահ եմ՝ բոլոր արցախցիները կվերադառնան»,- ասաց նա:

Հակոբյանի խոսքով՝ այդ աշխատանքները պետք է լինեն համակարգված, իսկ իշխանությունները պարտավոր են այդ խնդիրները լուծել, առավել ևս, եթե գտնում են, որ դեռ պետք է մնան իշխանության, ուրեմն պետք է համակարգված զբաղվեն այս խնդիրներով, ոչ թե զբաղվեն պոպուլիզմով և սոցիալական հարթակներում կամ ինչ-որ տեսաերիզներում ժպիտներով հուզաճմլիկ բաներ խոսեն, դա պետք է լինի կոնկրետ գործողություն, որը չկա այսօր:

Ինչ վերաբերում է սոցիալական խնդիրները լուծելու համար Հայաստանից ստացվող օգնությանը, պատգամավորն ասաց, որ ինքը նման օգնությունից տեղյակ չէ, նման բան չկա, օգնութուն ցուցաբերում են բարերարներ և ինչ-որ կազմակերպություններ: Նա նաև նշեց, որ այն մարդիկ, որոնք հյուրանոցներում և խնամքի կենտրոններում են ապրում նրանց անհրաժեշտ է ապահովել սնունդով, որն այդքան էլ հեշտ գործ չէ:

«Նման խնդիրները պետական մակարդակով լուծելու փոխարեն հայտնվում է Աննա Հակոբյան անունով ոմնի հիմանդրամը, որը ցուցանակ է դնում Ստեփանակերտում գտնվող հանդիսությունների սրահում «Իմ քայլը» հիմնդրամ, «Քայլենք միասին», թե դեպի ուր, ինչի մասին է խոսքը, հասկանալի չէ, թե ուր են ուզում քայլեցնել էս վիաճակում հայտնված ժողովրդին, որը հենց իրենց պատճառով է հայտնվել: Նման ցուցանակ են դրել և մարդը մտնելուց ու դուրս գալուց տեսնի, թե իրեն ով կերակրեց»,- նշեց Հակոբյանը: