Ավստրիայի ԱԳՆ-ն կոչ է արել անհապաղ ազատ արձակել Նավալնիին և հետաքննել նրա նկատմամբ ենթադրյալ մահափորձը
Ավստրիայի արտաքին գործերի նախարարությունը հանդես է եկել հայտարարությամբ, որում կոչ է արել անհապաղ ազատ արձակել ռուս ընդդիմադիր գործիչ Ալեքսեյ Նավալնիին և հետաքննել նրա նկատմամբ ենթադրյալ մահափորձը:
«Խորապես մտահոգված ենք Մոսկվայում Ալեքսեյ Նավալնիին բերման ենթարկելու փաստով: Կենսունակ քաղաքացիական հասարակությունն ու քաղաքական ընդդիմությունը բոլոր ժողովրդավարական հասարակությունների հիմնաքարերն են: Ավստրիան կոչ է անում անհապաղ ազատել նրան և իրականացնել նրա նկատմամբ մահափորձի լիարժեք ու անկախ հետաքննությունը»,-ասված է Ավստրիայի ԱԳՆ-ի թվիթերյան պաշտոնական միկրոբլոգում:
Ինչպես ավելի վաղ հայտնել էր Tert.am-ը, երեկ Նավալնին ՌԴ հասնելուն պես ձերբակալվել էր օդանավանակայանում: Այս առնչությամբ հայտարարություն էր տարածել ՌԴ պատիժների կատարման դաշնային ծառայությանը:
«Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնիին, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից», - հստակեցրել էին գերատեսչությունում:
Նշվում է՝ Նավալնիի հետագա խափանման միջոցի հարցը կորոշի դատարանը, իսկ մինչ այդ նա կմնա կալանքի տակ։
Deeply concerned about detention of Alexey @Navalny in #Moscow. A vibrant civil society and political opposition are cornerstones of all democratic societies. Austria calls for his immediate release and a full & independent investigation into the attack on his life.
— MFA Austria (@MFA_Austria) January 17, 2021










