Կորոնավիրուսի պայմաններում ԵՄ ներքին սահմանները պետք է բաց մնան, բայց ոչ հրատապ ուղևորություններն անհրաժեշտ է սահմանափակել. Շառլ Միշել
Եվրամիության անդամ պետությունների ղեկավարները հնարավոր են համարել ԵՄ տարածքում ոչ հրատապ ուղևորությունների սահմանափակումը, ТАСС-ի փոխանցմամբ՝ հայտարարել է Եվրախորհրդի ղեկավար Շառլ Միշելը՝ ամփոփելով ԵՄ ղեկավարների առցանց գագաթնաժողովը:
«Գիտենք, որ անհրաժեշտ է լինելու լրացուցիչ միջոցներ ձեռնարկել ոչ հրատապ ուղևորություններ սահմանափակելու համար: Առաջիկա օրերին ու շաբաթներին աշխատելու ենք այդ գաղափարի ուղղությամբ»,- հայտարարել է Միշելը:
Եվրահանձնաժողովի նախագահը շեշտել է՝ ոչ անհրաժեշտ ողևորությունները սահմանափակելու հետ մեկտեղ ԵՄ ներքին սահմանները համավարակի պայմաններում պետք է բաց մնան:
Ինչ վերաբերում է երրորդ երկրներից դեպի ԵՄ երկրներ ուղևորահոսքերին, Միշելը հայտնել է, որ այդ դեպքում նախքան ժամանելը կորոնավիրուսի թեստավորման ու բացասական պատասխանի առկայության պարտադիր պահանջ կսահմանվի:










