SpaceX-ը 2021-ի ավարտին կկարողանա ամբողջությամբ քաղաքացիական անձնակազմով հրթիռ արձակել ուղեծիր

Ամերիկյան SpaceX ընկերությունը կարող է ամբողջովին քաղաքացիական անձնակազմով Falcon 9 հրթիռ արձակել մինչև 2021-ի ավարտը: Այս մասին հայտնում է RT-ն ՝ հղում կատարելով ընկերության մամուլի ծառայությանը:

Նշվում է, որ այն կարող է տեղի ունենալ Inspiration 4 ծրագրի շրջանակներում:

«SpaceX- ը մտադիր է ոչ շուտ, քան այս տարվա վերջին եռամսյակը Falcon 9 հրթիռ արձակել Inspiration 4 ծրագրի շրջանակներում, որը ուղեծիր դուրս կգա տիեզերագնացների առաջին, լիովին կոմերցիոն առաքելությամբ», - նշվում է հայտարարության մեջ:

Ընկերության տվյալներով, թռիչքի չորս մասնակիցներից մեկը կլինի Shift4 Payments-ի հիմնադիր Ջարեդ Այզակմանը, անձնակազմի մյուս անդամների մասին հայտնի կդառնա ավելի ուշ: