«Բրիթնին՝ ընդդեմ Սփիրսի». հրապարակվել է երգչուհու մասին սկանդալային վավերագրական ֆիլմի առաջին թրեյլերը (տեսանյութ)

Հրապարակվել է ամերիկացի երգչուհի Բրիթնի Սփիրսի մասին Netflix-ի նկարահանած «Բրիթնին՝ ընդդեմ Սփիրսի» վավերագրական ֆիլմի առաջին թրեյլերը: Ժամավենը եթերում կհայտնվի սեպտեմբերի 28-ին:

Ինչպես հաղորդում է Lenta.ru-ն, սկանդալային ֆիլմում, որը նկարահանել է ռեժիսոր Էրին Լի Կարը, կներկայացվեն իրավական և էթիկական շատ հարցեր, որոնք կապված են երգչուհու նկատմամբ իր հոր խնամակալության հետ:

Ավելի վաղ հայտնի էր դարձել, որ Բրիթնի Սփիրսը նշանադրվել է իր ընկերոջ՝ Սեմ Ասղարիի հետ և վերադարձել է սոցցանցեր: 39-ամյա փոփ-կատարողը միանգամից երեք գրառում է արել իր էջում՝ այդպիսով տեղեկացնելով կարճատև դադարից հետո սոցցանցի իր հաշվի վերականգնման մասին:

Սեպտեմբերի սկզբին երգչուհու հայրը՝ Ջեյմս Սփիրսը, դիմում էր ներկայացրել Լոս Անջելեսի Գերագույն դատարան դստեր նկատմամբ խնամակալությանը վերջ դնելու համար: Դիմումի մեջ վերջինս նշել էր, որ Բրիթնին «իրավունք ունի, որ դատարանը լրջորեն վերանայի խնամակալության մասին որոշումը»: