Լուսանկարիչները ֆիքսել են այս տարի տեղի ունեցած միակ ամբողջական արևային խավարումը (լուսանկարներ, տեսանյութ)

Լուսանկարիչները ֆիքսել են Անտարկտիկայում շաբաթ առավոտյան տեղի ունեցած Արեգակի ամբողջական խավարումը, որը ամենահարավային մայրցամաքից տեսնելու բախտ են ունեցել սակավաթիվ մարդիկ:

Ինչպես ներկայացնում է Daily Mail-ը, հազվադեպ պատահող երևույթը, երբ լուսինն ամբողջությամբ փակում է արևի տեսքը, ամբողջական պահին է հասել երևանյան ժամանակով 11:33-ին Անտարկտիկայի «Ռոննե» սառցադաշտի մոտից դիտողների համար: Արևը մթության մեջ է մնացել 2 րոպե:

Արևի խավարումը տեղի է ունենում, երբ լուսինը անցնում է Երկրի և Արևի միջով՝ ստվեր գցելով Երկրի վրա:  

Արևային խավարումը տեղ է ունենում մոտ վեց ամիսը մեկ, սակայն տարբեր ծավալի: Հաջորդ ամբողջական խավարումը տեղի կունենա 2024 թվականի ապրիլի 8-ից հետո:

Եվրոպայում, այնուամենայնիվ, ամբողջական արևային խավարում չի սպասվում այս դարում: Ամբողջական խավարման դեպքում բոլոր երեք երկնային մարմինները հայտնվում են մեկ ուղիղ գծի վրա: Հաջորդ օղակաձև խավարումը տեղի կունենա Հյուսիսային Ամերիկայում 2023 թվականի հոկտեմբերի 14-ին: