Նրա հետ վայելում եմ ամեն վայրկյանը. Սալմա Հայեքը նշել է իր ամենասիրելի հոլիվուդյան ռեժիսորի անունը

Հոլիվուդյան դերասանուհի Սալմա Հայեքը պատմել է՝ ով է իր ամենասիրելի հոլիվուդյան ռեժիսորը: Ինչպես գրում է Daily Mail-ը, Հայեքն իր կինոկարիերայի ընթացքում աշխատել է բազմաթիվ լեգենդար ռեժիսորների հետ՝ Ռոբերտ Ռոդրիգեսից մինչև Քլոյե Չժաո և Ռիդլի Սքոթ: Սակայն մեքսիկուհու խոսքով՝ իր ամենասիրելի ռեժիսորն Անջելինա Ջոլին է: Նրանք համագործակցել են «Առանց արյուն» ֆիլմի շրջանակում:

«Անջելինան լավագույն ռեժիսորն է, որի հետ երբևէ աշխատել եմ։ Ես միանգամայն սիրում եմ աշխատել նրա հետ, վայելում եմ  ամեն վայրկյանը... Նա հանճար է, և ես կարծում եմ, որ սա կարող է լինել նրա լավագույն ֆիլմը: Նա իսկապես հիանալի աշխատանք է կատարել: Նա այնքան լավ էր վերաբերվում դերասանների հետ... Բայց ամենից շատ ինձ ապշեցրեց նրա բարությունը նկարահանման հրապարակում գտնվող յուրաքանչյուր մարդու հանդեպ», - ասել է Հայեքը։

Հայեքն ու Ջոլին նախկինում միասին աշխատել են որպես դերասաններ Marvel-ի «Հավերժներ» ֆիլմում: