Եվրոպոլը չեզոքացրել է կոկաինի «սուպերկարտել»

11:13 • 29.11.22

Ոստիկանությունը հայտարարել է թմրամիջոցների «սուպերկարտելի» վերացման մասին. ըստ իրավապահների՝ կարտելը վերահսկում էր դեպի Եվրոպա կոկաինի բոլոր բեռնափոխադրումների մոտ մեկ երրորդը, գրում է bbc.com-ը։

ԵՄ ոստիկանական գործակալության (Եվրոպոլի) տվյալներով՝ «Անապատի լույս» գործողության շրջանակում ընդհանուր առմամբ ձերբակալվել է 49 մարդ՝ եվրոպական վեց երկրից: Նրանց թվում կա մեկ բրիտանացի քաղաքացի՝ հենց նա է կասկածվում ամբողջ գործողությունը ղեկավարելու համար։

Երկու տարվա հետաքննության ընթացքում միայն այս գործով ոստիկանությունը առգրավել է ավելի քան 30 տոննա թմրանյութ (30 000 կգ), հայտնում է Եվրոպոլը։

Ոստիկանական գործակալությունը ընդգծում է, որ «Անապատի լույս» գործողությունը միանգամից հինգ երկրների՝ Բելգիայի, Իսպանիայի, Նիդեռլանդների, Արաբական Միացյալ Էմիրությունների, Ֆրանսիայի իրավապահ մարմինների սերտ համագործակցության արդյունք է։