Volkswagen-ը 2023-ին կներկայացնի Touareg-ի թարմացված տարբերակը (լուսանկարներ)

Գերմանական Volkswagen մեքենաշինական ընկերությունը հայտարարել է Touareg քրոսովերի թարմացված տարբերակի մասին, որը կներկայացվի 2023 թվականի ամռանը, գրում է kommersant.ru-ն։

Գերմանական ավտոարտադրողի խոսքով՝ մոդելը կստանա վերափոխված առջևի և հետևի հատվածներ, IQ.Light HD մատրիցային լուսարձակներ:

Թարմացված Touareg-ը կստանա Innovision Cockpit ինտերիեր՝ 15 դյույմանոց սենսորային մուլտիմեդիա համակարգով, Apple CarPlay-ի և Android Auto-ի միջոցով սմարթֆոնների անլար կապով և ձայնային հրամանների ճանաչման բարելավվածությամբ:

Վերափոխված քրոսովերը շվեդական Լապլանդիայում ավարտական վարորդական թեստեր է անցնում:

Հիշեցնենք, որ Volkswagen Touareg-ի ներկայիս սերունդն արտադրվում է 2018 թվականից։