Լոնդոնն ակնկալում է, որ իր գործընկերները շուտով կստորագրեն անվտանգության պայմանագիր Կիևի հետ

20:18 • 14.02.24

Մեծ Բրիտանիան ակնկալում է, որ մի քանի արևմտյան գործընկերներ կհետևեն Լոնդոնի օրինակին և առաջիկա շաբաթներին Կիևի հետ անվտանգության ոլորտում համագործակցության երկկողմ համաձայնագիր կստորագրեն, ասել է Մեծ Բրիտանիայի արտգործնախարար Դևիդ Քեմերոնը։

Փոխանցում է «ՌԻԱ Նովոստին»։

Հունվարին Մեծ Բրիտանիայի վարչապետ Ռիշի Սունակը այցելեց Կիև և Զելենսկու հետ ստորագրեց անվտանգության ոլորտում համագործակցության 10-ամյա պայմանագիր։

Բրիտանիան խոստացել է այս ընթացքում աջակցել Ուկրաինային։ Ուկրաինայի արտաքին հետախուզության ծառայության ղեկավար Ալեքսանդր Լիտվինենկոն ավելի ուշ հայտնել է, որ 11 երկրներ նմանատիպ համաձայնագրերի շուրջ քննարկումների տարբեր փուլերում են։